Gino Paradisi


Vai ai contenuti

Poesie dialettali 10

Poesie

Je penzére ‘e ‘n’emmegràte

Bbèlla Sòra mia…
tante témpe fa…
che’ je còre che chiagnéua
t ’auétta abbandenà’…
pe’ la fame che ce stéua!
Bbèlla Sòra mia…
paése addo’ so’ nate…
cresciùte…pazzeiàte…
pezzènte …spenzieràte…
i mo’…so’ ‘n’emmegràte!
‘Nchésta tèrra frastèra i carastósa
Me c’è ulùte p’ èsse’ respettàte
facènne fatìe i sacrefìce a iosa
ma je nòme ‘e sòra mia so’ uneràte!
Mo’…càmpe quace da segnóre
i la fame è sule ‘ne recòrde
ma je còre frìcceca d’amóre
pe’ je paése mé’…ca nne’ me scòrde!
Bbèlla tèrra mia natìa…
ténghe tanta uòglia ‘e reunì’…
che me rrénghie ‘e tanta frenesìa
d’ arrabbracciàrme a te…prima ‘e merì’…!

'Ne jorne a... campesànte

Sente Neculì'...
'n te sembra ca 'n ce sta segnefecate
ca s'aua destingue ricche e scalcenate
ientre a 'ste giardine 'e repose eterne
fra 'st'alme ch'éue lassate i' munne esterne?

Chiglie che ueue chiamate 'a je Segnore
s'auissera 'ccuncià' che je stesse onore
p'èsse' uguale almene a 'st'ate munne
addo' 'ermime tutte je stesse sonne!

Ma tu che me sta' ddice Geuannì ...
ce sta' chiù destenzione le 'uo' capì'
'uo' mette' tu 'na nicchia 'ngherlendata
che 'na fossa 'ntèrra e 'n' ammecchiata!

Sente Neculì'...
trame 'nnante e cercamela 'e fenì'
ca pe' nnù'... ce sta tempe pe' ce unì'
ma po'... 'ne reparlame fra ossa e ossa
qual'è 'sta defferènza fra nicchia e fossa!


‘Ne spesalìzzie

A Milvia e Vincenzo


‘Ne benvenùte a tutte je ‘nvetàte
da je spùse…la sposa…i je famegliàre
che… che’ tanta fantacìa…c’èue preuàte
a ‘mmaggenà’…’na palma…’n’ isela…’ne mare!

Cullàte da ‘st’atmesfèra ulletàta
i doce …doce sènza tené’ frétta
renchìte d’allegrìa ‘sta seràta
gustènneue sènza strèsse ‘sta cenétta!

Brendàte…ballàte…sfreculiàte
tutta la seràta…sènza tené’ scorne
i stàteue còmmede…i spaparacchiàte
fine a quànne se fa’…jorne!

Ppe …sse…
Se tra ‘ne ‘ndrìnghe…ne bballe…o’ ‘ne freccecóre
nen ce arraccapezzàte…cchiù la patta
ca nen rrescìte a cuntrellà’…je bellóre
petite sèmpre corre’…arrète a ‘na fràtta!

La spetacchièra ‘e je barbére

A ‘na barberìa témpe fa
‘ntratte une che’ n’aspètte da gagà
tutte ‘mpematàte i ‘mpellecciàte
chiedétte che’ criànza d’èsse’ sbarbàte.
Sùbbete assegnerìa…s’accòmede a ‘sta uia
ueh…uaglió’…mitteglie sotte
sbrighete…lèuce je cappòtte!
Je barbére gentile i…’ntemedìte
passènne je pennéglie ‘nsapenàte
nne’ je teccàua manche che’ ‘ne dìte
pe’ nne’ ‘nzembrà’ cafóne i scustemàte.
Ma…méntre pennellàua chiane chiane
je segnóre je fermàtte che’ la mane
i …che’ je mòde che tenéua da gagà
se ggìra che’ la ciòcca…pe’ spetà…
ma…udènne ‘ne bbaccìle chìne ‘e tèrra
se reuòta all’àta parte…i spùta ‘ntèrra!
i…comme se niènte fùsse…
s’arrappeggiàtte che’ ‘ne colpe ‘e tosse.
Je fìghere s’ auàmpa tutte ‘nfaccia
i…atténte a ‘nse fa’ ‘ccòrge’ dalla specchiéra
ce spòsta che’ nne’ pède…la spetacchiéra!
Ma durànte chella lònga ‘nsapenàta
a j’òme che’ j’aspètte da …gagà
ce unétte uòglia ‘e fa’ ‘n’ata spetàta
i…facènne je stésse meuménte
i…udènne ‘n’ata uòta je bbaccìle
spetàtte ancóra ‘ntèrra a je pauménte
i ‘sta uòta…’ne petàcce da ne’ chìle!
Po’ …che’ je mòde che tenéua da gagà
se ggìra a je barbére …spaiesàte
i ce ‘icétte…sénte…
ie nne’ uoglie èsse’ scrianzàte
ma…se nne’ léue ‘ste bbaccìle ‘ntèrra
cacche spetàta…ce uà ffenì’ peddénte!

Reflessiùne

Je ‘mpégne ‘e je polìteche
è…de sbandierà’ idèe che’ nne’ tè’
de predecà’…urdà che’ nne’ cunósce
i fa’ premésse…che’ nne’ mantè’!

---------------


‘Na persóna che sa
‘e sapé’…chélle che sa…
i sa ca…nen sa…
chélle che …nen sa…
è ‘ne persóna …sàuia!

Sòra …addermìta

Comme sì bbèlla Sòra ‘nsennelìta
remeràta da ‘ncìma a ‘sta salìta
ammantàta dalla bbrézza ‘e la mmatìna
i daglie sonne ch’accàppa la ‘mmùina.

‘Na mane ‘e ‘ne pittóre t’è criàta
i spariàta pe’ ‘sta uàlle ‘n’alberàta
pretètta da ‘ste nére sentenèlle
i daglie ciume che reflètte le stélle.

T’accarézza je sone ‘e ‘na campàna
che spànne la prejéra pe’ la chiàna
i pell’aria se respìra sule amóre
i de féde se sènte tante addóre.

Ggènte che sònna…còre che spèra…

‘Na sfèra ‘e sole s’affàccia da leuànte
i squàrcia sènza còre chiste ‘ncànte
cagnènne a tutte je titte je culóre
i renchiènne le uie d’ombre i de remóre.

Reuéglia catteuèria i senteménte
i arrappìccia j’égoisme della ggènte
smorzènne pe’ le case chélla féde
‘e chiglie sone che cchiù neciùne crede!

‘Nte reuglià’…Sòra ‘nsennelìta
ca sì cchiù bbèlla …quanne sta’ addermìta
remeràta…da ‘ncìma a ‘sta salìta!

‘N’òme ‘e culóre

Omaggio ad uno sconosciuto

Sénteme neccóne…amìche bianche
ie…quanne so’ nate…èra nìre
me so’ fatte rosse i …so’ nìre
mo’ …se m’arràbbie…aglia paùra
o’ m’ammàle so’….sèmpre nìre
i pure quanne mòre…so’ nìre!

Ma tu…amìche bianche…
tu quanne nasce…si tutte ròsa
quanne reuénte rosse…si bianche
quanne t’arràbbie reuénte…rùsce
se t’ammàle te fa’ …tutte gialle
se te mitte paura…reuénte uérde
po’ quanne te more…
reuénte …tutte uiòla!
Allora …amìche bianche…
pecchè tu chiame a mmé…
…òme ‘e culore?


La fèsta ‘e je ‘nnameràte

A Milvia e Vincenzo

San’ Ualentì’…
‘ssa fréccia che fa ‘nfìusa de còre
spànne pell’aria tanta frenesìa
i j’addóre càlle i doce de j’amóre
che ‘mprefùma tutte j’angùle ‘e la uia!

Masséra…
m’arracchemmànne a te ca sì’ ‘ne Sante
‘e farce téca téca a…je senteménte
sbbùsceca i …sdellòzza tutte quante
i faccie sfrettà’ ‘ste màggeche meménte!

Brendàte…ammeccaménte…
occhiàte… ‘a pesce cotte…
ballàte…sfreculiaménte…
premésse…pe’ la notte…

Che’ j’occhie brille i le uràccia pennelùne
ce s’attraiètta pe’ l’ ùtema abbeuràta
ca je foche d’amóre…nn’auàmpa cchiù neciùne
pecchè la nnóglia…è reuntàta ‘na paliàta!

San’ Ualentì’…
chist’anne…comme è ite…è ite…
ma tu…pròuce sèmpre a lancià’ ‘na fréccia
ca cacche uòta…’st’amóre…’nsennelìte
nen se sa maje…se reuéglia…
i spàra…’na cartùccia!

Pulsante indietro
Pulsante avanti

Home Page | Pinacoteca | Poesie | Galleria | Recenzioni | Libro degli ospiti | Contatti | Mappa del sito


Torna ai contenuti | Torna al menu