Gino Paradisi


Vai ai contenuti

Poesie dialettali 4

Poesie

La strangulòzza

Pizza stràccia…ò’ bbone capetàcce?
chiste è je delèmma ‘e ‘ste pore chemùne
ca ‘nvéce de cèrne’ je prebblème a setàcce
scròcchene…’mbrèbbene i ‘nze mòue neciùne!
‘Nchianàte a je poste che s’èue abbramàte
s’è ‘nchìte je palche ‘e pepàtte i d’attùre
che’ ‘n’aria ‘a uazzùse i….spaparacchiàte
arràffene ‘e tutte da je stésse…cuttùre!
Chi tira… chi mòlla …chi tira
pe’ nen pèrde je póste ‘ncarròzza
i, tenènne le sèggie …sotte mìra
pe’ ‘ncullàrsele sotte i fa’…strangulòzza!
Remmòlla …retìra…remmòlla
se scòrnene sènza… abbreuógna
pegliènne pe’ féssa…la fòlla
méntre Sòra perèlla…reuènta ‘na fogna!
Mme-sse…ppe-sdde…dde-cce…cu—ccù
me uè’ …je geraménte de ciòcca
mme-ppe…ppe-sse…ppe-cce…pu-ppù
i le fèle …m’arrìua alla uocca!
Se ‘nfrìgna…se ‘mbròglia…se magna
se ‘strùglie… se férma… se sfàscia
i pe’ Sòra …je destìne nen cagna
s’assécca…se mòre…s’accàscia!
Me uè’ uòglia ‘e ‘nfercà’ ‘ne tertùre
i, da dèstra a senìstra…coglie pe’ coglie
farce ‘na ‘nfìusa…’e tutte ‘st’attùre
i da’ terteràte…addo’ còglie còglie!

Ne sonne stràne

Se me càpeta ‘e fa’ cacche penzére
se reuéglia ‘e colpe je passàte
i me retròue ‘nmése a ‘ne sentiére
ombràte daj’àlbere ‘nfrennàte.
‘Na spèra ‘e sole ‘llùmena je criàte
i tutte ‘ntorne sémbra ‘na pettùra
i je pétte me se ‘rrénghie de refiàte
de j’addóre doce ‘e la natùra.
Sènte le uoce cariàte da je ciume
che rembàlzene da je retóne alla jemàta
‘e ‘na morra spenzieràta de cucciùne
che sguàzzene facènne ‘na natàta.
Fémmene ‘ngenecchiàte ‘nmése all’acqua
che lùcceca comme a ‘ne crestàlle
làuene panne lenzòla i caccauèlle
cantènne felìce ‘ne sternèlle.
Che munne…..
Oh…ma ch’è seccése…addo’ me tròue?
che so’ ‘ste nùuele ‘e ceménte
‘st’aria che nze spìra ch’è pesànte
l ‘ èreua che nen crésce pe’ niènte
i de cellùcce nze sènte cchiù je cante.
La uoce de je ciume s’è ammepìta
‘nzémbra all’allegrìa della ggènte
i l’acqua scorre ‘nnante rentredìta
cariènne fanghe chine de laménte.
M’èsce ‘npétte ‘ne strìlle pe’ je munne
pe’ je tretéglie che sime chembenàte
‘e la ‘ngurdìzzia s’è teccàte je funne
facènne a ccorza pe’ ‘strùglie le criàte!
Che sonne…!

Quàtte fiure ‘e ceciarìa

S’èra appéna jestràte je mmatìne
ca pe’ ‘ne ‘nfàme ulére ‘e je destìne
s’èue spezzàte all’ampreuìsa pe’ la uia
quàtte frische fiure ‘e ceciarìa.

Pe’ je céle griggie s’è spariàta
‘n’aria triste i abbafagnàta
ch’accàppa Sòra che’ ‘n’addóre
‘e chiànte surde i de delóre.

Mare ‘e ggènte…
uoce ‘strùtte…
occhie schiànte…
sone ‘e lutte…

Cire…Rodòlfe…Lèlle…Gianfrànche
quàtte fiure frische i bianche
quàtte casse ‘e ‘ne culóre
quàtte mamme schiànte ‘n còre!

Patatè’…mo’ che je si leuàte
‘a ‘ste mamme scunselàte
nne’ Te ne scurdà’…
‘nzémbra a lore da je Paraìse
Riénchiele ‘e chenfòrte i de serrìse.

‘N’òme ‘e paròla

O’gne sera…rencasàua barcullènne i tunne tunne
iastemènne le ‘ngestìzzie de ‘ste munne
appeggènnese a ‘ne mùre ò’ a ‘na canàla
pe’ ‘nse ‘nfrecià’ i ‘nfà ‘na capriòla!
Se lamentàua ch’èra scùrta la paròla
i la ggènte raggenàua che’ la cola
abbettènne je por’òme de premésse
i sènza …sedóre …se favéua rosse!
Fenéua ‘nglòria la cuntestazzióne
a ddù’ tré mètre dall’abbetazzióne
che’ la sculàta ‘e j’ ùteme quartùcce
a ‘na cantìna che stéua a j’angulùcce!
‘Na séra…se ‘mpenttàtte comme a ‘na pentìna
a poche passe dell’ùtema cantìna
i, battènnese ‘npétte la crugnòla
se ulétte demestrà’…n’òme ‘e paròla!
Paulù’…’ncianfrecàtte che’ ‘na uoce fina fina
se…rrésce a passà’ ‘st’ ùtema cantìna
i ‘nte fa’ fregà’ ‘alla tentazzióne
addemàne…t’ònghe ‘a bbéue ‘oppia razzióne!
I…gerènnese all’àta parte che’ la faccia
i… ‘mpaunènnese comme a ‘na ppappàccia
mettétte je uràcce ‘nnante a mò’ de spàta
facènne chiglie tré mètre che’ ‘na tràta!
Ma… fu accucì cunténte ‘e chell’azzióne
ca se ulétte antecepà’…l’ óppia razzióne
p èsse’ ‘e paròla i pe’ respettà’ je patte
riétte arrète…pe’ chiùde j’ùteme atte!

La teleusióne

Ce abbàsta ‘ne bettóne
ch’addè’ accalecà’…
i pe’ tutta la seràta
nen po’…cchiù ciaulà’…

Addè’ remané’…’mpalàte
i sènza …fa’ ‘ne fiate
ca ‘sta càula ‘e tevvù
sta sèmpre…rittemmése
i j’accòrde nen ce stà cchiù
ca le nèrua…so’ ttése!

Chiste è je pregrèsse
che uà annànte che’ raggióne
ma ie…l’appecciàsse
‘sta …teleusióne!

Oh…munne

Munne che nen pénze…
munne che nen préie…
munne che la féde cchiù nen sénte
munne che t’addórme ‘ndefferènte!

Munne sfregliàte i ‘npezzelìte
che l’alme ‘e je credènte si strecàte
i sènza respètte pe’ chi t‘ è parterìte
si panùnte tutte chelle ch’è criàte!

Munne surde a tutte je chiànte
munne che ‘nt’accórge ‘e ‘ste desàstre
munne che te reìnghie de laménte
munne che cchiù sta’ i cchiù te ‘mpiàstre!

Munne ‘nsangulénte i marteriàte
che je culóre ‘e lla ggènte nen respétte
i a ‘na mane che uè’ tésa nen ce abbàte
munne che je còre…’nté’ cchiù ‘npétte!

Munne che nen pénze…
munne che nen préie…
munne che la féde cchiù nen sénte
munne che te ‘strùglie…’ndefferènte!

Che munne…!

Acqua nuova

E’ il ciclo della vita
che ininterrotto cade
limpido…
purificato…
libero…
rinnovato…
privo del male
pieno di speranza.
Ma… il toccar la terra
ti sveglia …a realtà
cruda…
senza scampo…
di nuovo intorbidito
dal male dei potenti
raccogli ancor lamenti
…è il ciclo della vita!


Chi è je …strùnze?

‘Ne pore fessacchiòtte ‘e je paése
s’appresentàtte ‘nnante a je pretóre
ch’èra aùte j’ardìre i le pretése
‘e farze créde’…sìnneche ò’ assessóre!

Quanne la légge je ‘nterrecàtte
respennétte che’ ‘na uoce chiatte chiatte.

Comme…’gnóre preto’…
lore fàue je strùnze pe’ tante anne
sènza méttese scorne…
méntre ie…che so’ ggià strùnze…
i me n’auànne…
pecchè nen pòzze èsse’…sìnneche
sule pe’ ‘ne jorne?

Pulsante indietro
Pulsante avanti

Home Page | Pinacoteca | Poesie | Galleria | Recenzioni | Libro degli ospiti | Contatti | Mappa del sito


Torna ai contenuti | Torna al menu